2008-09-12

Martin Ugalde ipuin lehiaketarako lanak aurkezteko epea urriaren 13an itxiko dute

Andoaingo Udalak deialdia luzatu du Andoain, Aduna, Asteasu, Amasa-Villabona, Larraul eta Zizurkilgo gaztetxoen arteko XII. Martin Ugalde Ipuin Lehiaketan parte hartzeko. Ekimenaren xedea gaztetxoen artean idazteko zaletasuna sustatzea da. Lanak urriaren 13a bitartean aurkeztu ahal izango dira 10.00etatik 13.00etara Bastero kulturgunean.
Ipuin lehiaketan 10 eta 17 urte bitarteko neska-mutilek har dezakete parte, lanek egile bakarra izan beharko dute, originalak eta argitaratu gabeak eta partaide bakoitzak nahi adina idazlan aurkeztu ahal izango ditu.
Lau maila Lau maila izango dira, hots 10-11, 12-13, 14-15 eta 16-17 urte. Gaia librea izango da eta euskaraz idatzi beharko dira. Sariei dagokienez, irabazleek 120 eta 200 euroko diru sariak poltsikoratuko dituzte mailaren arabera. Saritutako lanak Udalaren esku geldituko dira eta argitara-tzeko eskumena izango du. Irabazleen izenak oraindik zehaztu gabeko azaroko egun batean emango ditu aditzera epaimahaiak eta telefonoz jakinaraziko zaie interesatuei. Argibide gehiago Udaleko kultura sailean jaso daitezke.

Gaur bezalako egun batean.....