Korrikako arropa dagoeneko salgai Andoaingo AEK euskaltegian

Korrika 17 apirilaren 7an hasiko da Trebiñon eta Donostian bukatuko da apirilaren 17an.

Hori dela eta, Korrikak urtero atera ohi ditu janzteko mota guztietako arropak: kamisetak, nikiak, jertseak,…. Gabonak gerturatzen ari direnez, norberarentzako nahiz oparitzeko aukera paregabea duzue Andoaingo AEK euskaltegira gerturatzeko.
Bestalde, arropaz gain, Korrikak 20.000 laguntzaile behar ditu aurtengo edizioan eta horretarako Korrika Laguntzailea egiteko aukera dago. 12€ren truke korrikari sekulako laguntza emango zaio eta horren trukean hainbat eta hainbat establezimendutan beherapenak lortzeko aukera ematen duen txartela emango zaio Korrika laguntzailea egiten denari.

Informazio gehiago:
Andoaingo AEK euskaltegia
Extremadura 5 behea, Andoain
943-591704/ andoain@aek.org

EUSKARAREN NAZIOARTEKO EGUNA

EUSKARAREN NAZIOARTEKO EGUNA

Datorren larunbatean Euskararen Nazioarteko Eguna ospatuko dugu.
Hori dela eta,Aita Larramendi Ikastolako “Euskaraz Bizi” batzordeak gonbitea luzatu nahi dizue larunbaterako antolatutako ekitaldietan parte har dezazuen. Hona hemen egitaraua:

Abenduak 11 (larunbata) – Euskararen egunaren ospakizuna

11:30etan Juanita Alkain Plazan bilduko gara. Ondoren, Kalejira trikitilariekin, Kale Nagusian zehar, Zumea plazaraino.
12:00etan Ekitaldi berezia, Zumea plazan.
· Txalaparta
· Abeslariak
· Musikariak
· Ikastolako sortzaileei omenaldia ( Jone Larrañagak eta Manu Etxezortuk aurkeztuta)
· Haurrentzako Tailerrak
· Argitxoren bisita

Euskara, jalgi hadi plazara!!!

El próximo sábado celebraremos el Día Internacional del Euskera.
La comisión “Euskaraz Bizi” de la Ikastola Aita Larramendi ha organizado una serie de actos, con el fin de celebrar un día tan señalado. Mediante la presente os invitamos y animamos a participar en dichos actos, que serán los siguientes:

11 de diciembre (sábado) – Celebración del día del euskera

11:30 Nos reuniremos en la plaza Juanita Alkain.
A continuación, Kalejira con trikitilaris, por la Calle Mayor, hasta la plaza Zumea. 12:00 Actos de celebración, en la plaza Zumea.
· Txalaparta
· Canciones
· Música
· Homenaje a los creadores de la Ikastola ( presentado por Jone Larrañaga y Manu Etxezortu)
· Taller para niñ@s
· Visita de Argitxo

Euskara, jalgi hadi plazara!!!

Ontzerri izenaren jatorri ezezaguna

Andoaingo herriak Ontzerri izena hartu izan du aspalditik; izenaren jatorria misterioz jantzia agertzen den arren, argitasuna eman dezakeen datu bat jakinarazi berri du Gurutz Gantzarain herritarrak.

Bi teoria, behinik behin, zabaldu izan dira Andoain “ontzaren herria” dela azaltzeko orduan. Batak, gauaren jabe izan ohi den hontza, hegaztiarekin lotzen du, Besteak, berriz, ontza edo txanpona jartzen du Ontzerriren jatorrian.
Azken urteetan herriko zenbait elkartek Ontzerri izenarekin bataiatu izan dute euren burua. Horietako zenbait gogoan hartzekotan, duela hainbat urte dendarien elkarte izan zena aipa daiteke. Azkenekoa, berriz, herriko hainbat gaztek aurten bertan sortu duten futbol taldea.
Guztiek ere hontzaren irudia erabili izan dutela eta, Gurutz Gantzarain hitz egiteko premian sentitu da: “Ikusi dut herriko gazteek ere oraindik hontza jartzen dutela beren taldearen anagraman, eta nire ustez okerra den uste hori zuzendu nahiko nuke”.
Berak zinez dionez, Ontzerri ontza edo txanponarekin identifikatu beharko litzateke. “San Martin parrokiaren eraikuntzan parte hartu zuten langileei urrezko ontzarekin ordaintzen zitzaien. Andoaingo inguruetako herrietakoak izaten ziren langile gehienak, Beterri, Goierri nahiz Donostialdea eta inguruetako herrietakoak. Ni gaztea nintzenean Amasako zahar batek adierazi zidan horixe, bereari ere aurrekoek kontatu ziotela. Horrelaxe identifikatzen zuten Andoain, ontza ematen zuten herritzat, alegia”. Gantzaraini datu hori jakinarazi zion amasarraren arbasoak San Martin parrokiaren eraikuntzan lan egindakoak izan ziren, nonbait.
Carlos III borboiaren garaikoak diren ontza horiek oso berandu arte erabili izan direla adierazi du Gantzarainek: “Atera kontuak: gure amonari Baionan ebakuntza egin zioten hesteetatik; larria zen gauza eta oso ondo atera omen zen. Bada gure aitonak (Zeferino Ansa, Andoaingo alkatea izan zena) urrezko ontzekin ordaindu zion ebakuntza egin zuen medikuari”.
San Martin parrokiaren eraikuntza
San Martin eliza 1759an hasi ziren eraikitzen, berez Argentinan bizi zen Agustin Leitza indianoak bere jaioterriari 45.000 pisu dohaintzan emango zizkiola agindu eta gero, eraikuntza horretarako. 1772. urte aldera amaitu zuten, XVIII mendeko Gipuzkoako arkitekturaren eraikuntzarik adierazgarrienetakoa den eraikuntza hau.
Obra Francisco Ibero arkitektoak hartu zuen bere gain, garai horretan Gipuzkoan zutitu ziren hainbat eraikuntza esanguratsuen egile zen berberak. Aita Larramendik, bere aldetik, Leitza indianoak bidaltzen zuen dirua eta gainerako zereginak kudeatu zituen. Eraikuntzak iraun zuen urteetan, hainbat langilek hartu zuen parte, ofizio askotarikoak; horietatik, Gipuzkoan oso trebeak ziren harginak izan ziren garrantzitsuenak, noski.
Agustin Leitza parrokia bukatu aurretik hil zen, 1763an, eta Larramendik Buruntza auzoko parrokia zaharrean egin zen hileta elizkizuneko sermoian, errietatxoa egin zien herrikideei, hain konfiantza gutxi ipinia zuten parrokia errealitate bihurtzen ari baitzen egunez egun. Leitzak ez ezik, Larramendi berak ere ezin izan zuen bukaturik ikusi parrokia berria, 1766an hil baitzen.
TXANPONA EDO HEGAZTIA?
Andoain Ontzerri ezizenarekin ezagutu izan da aspaldidanik eta ezizen hori hontza txoriarekin lotu izan da azken hamarkadetan. Kaletxikiko Ontza elkarteak animaliaren irudia erabiltzen du bere armarrian, garai bateko merkatarien elkarteak ere irudi bera erabili zuen eta azken urtean sortutako futbol taldearen armarrian ere gautxoria ageri da.
Aurtengo denboraldian sortu berri den Ontzerri futbol taldeko Iker Etxebestek, hontza hegaztiarekin lotu izan du herriaren ezizena. Futbol taldeari izen hori jartzearen arrazoiaren inguruan azalpenak eman ditu Ikerrek: “Futbol taldea osatzen ari ginela, hainbat bilera egin genuen taldekideen artean. Erabaki asko zegoen hartzeko eta bilera hartako batean, taldeari izena jarri behar zitzaiola pentsatu genuen. Proposamen ezberdinen artean, Ontzerri jartzea egokia zela iruditu zitzaigun. Betidanik entzun izan dugu Andoain hontzen herria dela. Gipuzkoako herri gehienek badute euren ezizena eta askok animaliekin zerikusia dute; astoak, euliak, bareak…, guk hontza hegaztiarekin lotzen genuen andoaindarren ezizena”.
Jakin-mina
Ontzerri futbol taldeko kideek, duela gutxi ezagutu dute herriaren ezizena ontza txanponarekin ere lot daitekeela: “Azken egunotan entzun dugu hontza animaliarekin baino gehiago, ontza txanponarekin izan dezakeela zerikusia andoaindarron ezizenak. Elizako lanak ordaintzeko erabiltzen zen txanpona omen zen eta hortik omen dator Andoain Ontzerri gisa ezagutzearen arrazoia. Ez dakit, berria da hori guretzat. Posible da hala izatea, baina gure ingurukoek hontza animaliarekin lotu izan dute beti ezizena. Erantzun egokia zein den jakiteko gogoz geratu gara orain”.
Gautxoriak eta parrandazaleak
Andoaindarren ezizena hontza animaliarekin lotzearen arrazoiaz galdetuta, hala esan du Iker Etxebestek: “Hontza gaueko txoria da eta andoaindarrak parrandero samarrak garelako ondo jarritako ezizena dela ematen du. Futbol taldeko kideak ere nahiko parranderoak gara eta ez zaigu gaizki egokitzen irudi hori”.
Kaletxikiko Ontza elkarteko Imanol Etxeberriak ere, ezizenaren inguruko azalpenak eman ditu: “Ontza elkarteko kideen artean adostasun handia dago gai honetan. Gure ustez, andoaindarrak beti izan gara hontzak, gautxoriarekin lotuta. Elkartearen sorrerako estatutuetan egiten da horren aipamenen bat eta gainera, gure elkartearen armarrian ere hontzaren irudia jasotzen dugu”.
Kantuetan, hontza
Imanol Etxeberriak ez du zalantzarik egiten andoaindarren ezizena hegaztiarengandik datorrela esatean: “Santa Ageda bezperan Andoainen abesten diren kantuetan ere hontzari aipamena egiten zaiola uste dut, horrek ere bere esanahia izango du. Kaletxikin behinik behin, beti esan izan dugu hontzen herria garela, hortik gure elkarteari jarritako izena eta armarria. Ontza txanponarekin lotzearena berria da guretzat”. Andoain hontza animaliarekin lotzearen arrazoiaren inguruan galdetuta, hala erantzuten du Imanolek: “Beti entzun izan dut parrandan, gauez ibiltzea gustatzen zaigulako jarri omen zigutela ezizen hori”.

Aita Larramendi Ikastolak urrezko Bikain ziurtagiria jaso du

Aita Larramendi Ikastolak urrezko Bikain ziurtagiria jaso du.

Ikastolako zuzendaria den Izaskun Linazasorok jaso zuen ziurtagiria Kursaal jauregian burutu zen ekitaldian

Berrogeita lau enpresa eta erakundek beste horrenbeste Bikain ziurtagiri jaso zituzten berriki Donostiako Kursaal jauregian ia 300 pertsona bildu zituen ekitaldian, Blanca Urgell Eusko Jaurlaritzako Kultura sailburuaren, Bernabé Unda Industria, Berrikun-tza, Merkataritza eta Turismo sailburuaren eta Lurdes Auzmendi Hizkuntza Politikarako sailburuordearen eskuetatik. Ekitaldiaren gidaritza EITBko Xabier Euzkitze aurkezlearen esku egon zen.

Aita Larramendi Ikastolak bertako zuzendaria den Izaskun Linazasororen bitartez eskuratu zuen ziurtagiria. Bikain Euskararen Kalitate Ziurtagiri ofizial, publiko eta doakoa Eusko Jaurlaritzak ematen du, eta enpresa nahiz erakunde batean euskararen presentzia, erabilera eta kudeaketa egiaztatzen ditu. 2009 eta 2010 dagokionez banatu zirenen artean, 19 urrezkoak dira, goi mailakoak, Aita Larramendi Ikastolak lortutakoa bat, eta tarteko mailari dagokion zilarrezkoak beste 14. Gainerakoa 11k oinarrizko maila ziurtatzen dute. Lurralde banaketari dagokionez berriz, enpresa horietatik 23 Bizkaikoak dira, 15 Gipuzkoakoak eta 6 Arabakoak.

Aita Larramendi, lehena

Ziurtagiria jaso zuten 44 entitateei aurrez zeukaten 30ak batuz gero, guztira uneotan 74 erakundek daukate Autonomia Erkidegoan beraien jardunean euskarari tokia ematen diotela aitortzen duen ziurtagiria. Era askotakoak daude horien artean: ikastetxeak, hedabideak, makina erreminta arlokoak, administrazio publikoak, banaketa enpresak, fundazioak eta elkarteak, osasun laguntza ematen dutenak, finantza erakundeak...

Ikastetxeei dagokionez, maila gorena dutenen artean Aita Larramendi izan da denen artetik lehena ziurtagiria lortzen, 2009. urtean eta ondoren urte berean eta 2010 urteetan beste lau ikastetxek ere lortu dute urrezko Bikain ziurtagiria.

Denak Bikain ebaluazio sistema talde ebaluatzaile batek berariaz egindako prozesua jarraitu behar izan dute ziurtagiriak bermatzen duen maila dutela egiaztatu aurretik. Indarguneak, zer hobetuak, gomendioak eta puntuazioa jasotzen dituen ebaluazio txosten bana eskuratu zuten enpresa eta erakundeek ziurtagiriarekin batera ekitaldiaren amaieran.

La nueva web de la S.D. Euskalduna recoge toda la información sobre sus equipos

La S.D. Euskalduna ha puesto en marcha su nueva web en la que los aficionados al fútbol podrán consultar resultados de los encuentros de los 12 equipos urdiñas en competición, tanto en fútbol campo como en fútbol sala, clasificaciones, goleadores y, por supuesto, los horarios de los partidos. La página urdiña incluirá también las últimas novedades del club, anuncios, efemérides, acontecimientos puntuales, la historia del club y reportajes fotográficos, entre otra información. La dirección de la web es www.sdeuskalduna.com.

Taller de la Escuela de Familias en la Ikastola Aita Larramendi

Aita Larramendi Ikastola organiza esta tarde un taller en castellano sobre habilidades emocionales. El taller comenzará a las 16.45 horas, constará de cuatro sesiones y se organizará en el aula de música del edificio grande de este centro escolar. Este programa sobre habilidades emocionales va dirigido a padres y madres que participaron anteriormente en el primer módulo de Inteligencia Emocional. El taller estará impartido por el psicólogo Iñaki Olaskoaga. El objetivo de estas sesiones es hacer ver la importancia que las emociones tienen en la vida y, al mismo tiempo, ofrecer herramientas para encaminar de manera adecuada la inteligencia emocional en la familia.

B ERTSO ESKOLA ABIAN DA

Martxan da dagoeneko Andoaingo bertso eskola, informazio gehiago nahi duenak dei dezala

943 300 733 telefonora

Euskara ikasteko dirulaguntzak

Andoaingo Udalak eta Andoaingo AEK euskaltegiak euskara ikasteko dirulaguntzen deialdia luzatu dute. Eskatzaileek baldintza eta betebehar batzuk bete beharko dituzte. Esaterako, ikastaroa HABEk homologatutakoa izan behar du eta, beraz, HABEk aitortutako euskaltegi publiko edo pribaturen batean egitea ikastaroa, Andoainen edo Andoaindik kanpora.
Ikastaroa hasi baino gutxienez urtebete lehenagotik Andoainen erroldatuta egotea eta Udalarekin zorrik ez izatea da beste baldintzatakoa.
Dirulaguntzen atalean, ohiko laguntzaz gain aurten bada berrikuntza nagusia: eskatzaileak autoikaskuntzako ikastaroa egiteko laguntza eska dezake.
Jaso dezakeen laguntza ordaindutako matrikularen %50erainokoa, gehienez ere 267,50 euro.

Informazio osagarria
Udaleko Euskara Zerbitzua: 943 300 830
euskarazerbitzua@andoain.org
Andoaingo AEK euskaltegia: 943 591 704
andoain@aek.org

Burdina Taldea busca voluntarios para trabajar en sus nuevos proyectos

Burdina Taldea organizará mañana, sábado, y el próximo 9 de octubre, dos campos de trabajo dirigidos a trabajar en la recuperación de los caleros Busturi Azpi y Floreaga ubicados en la zona de Amasa. Los interesados deberán llamar al teléfono 699 487 683 y preguntar por Txanka.

La asociación prepara para próximas fechas una fiesta con la que pretende ofrecer un sencillo homenaje a todos los voluntarios que colaboran en la recuperación del patrimonio histórico.

ONTZERRI TALDEAREN OHARRA

Ontzerri taldearen oharra

Ontzerri futbol taldeko eragileak oharra zabaltzen ari dira egunotan. Zera dio:
"Aiurrik Ontzerri eta Euskaldunako kideei egin dien elkarrizketaren ondoren, idatzi honen bidez, Euskaldunako kideek esandako gezur batzuk argitu nahi, ditugu:

1. “Ez dugu Euskaldunako kiderik iraindu, ez erasotu eta ez mehatxatu, eta ez dugu gure taldean horrelako jarrerarik onartuko. Baina ez dugu onartuko ere, gure aurka, mehatxatu ditugula esanez, Euskaldunakoak ari diren bezala, gezurretan aritzea”.
2. “II. Erregional mailan jokatzeko aukera eman zigutela esaten dute, eta hori ez da horrela inondik inora. Futbolean jokatu nahi bagenuen, beteranoekin edo futbol 7an apuntatzeko esan ziguten, baina inoiz ez II. Erregional mailan”.
3. “Gure taldean, iaz Euskaldunak, maila txarrenean onartu ez zituen jokalariak daude, ondorioz futbolean jokatzera beste herri batera joan behar izan zutenak edo futbolean jokatzerik izan ez zutenak. Honen aurrean, baztertutako jokalari hauen ekimenez hasitako egitasmora, futbolari ohi mordoa gehitu zitzaizkigun, Euskaldunako kirol ereduan inoiz ez liratekenak hasiko, baina lagun giroan futbolean aritzeko gogoz daudenak. Eta gure inguruan ilusio handia sortu da. Nahiago al duzue, herriko gazteak geldirik edo kanpoko taldeetan ikustea?”.
4. “Hau izan da egin dugun bekatu bakarra. Futbolean jokatu gabe edo kanpoko talde batean jokatu beharrean, lagun talde bat bildu eta Federazioak hala eskatu zigunez, talde horri izen bat ematea”.
5. “Eskatzen dugun gauza bakarra, astean 1,5 orduz futbol zelaia erabili ahal izatea da”.
6. “Oztopoak jarri dizkigute, gure egitasmo umila bertan behera gera zedin, baina arazoa urrunegi joan da, eta arazoa konpontzeko beharrezkoa heldutasunez jokatu beharko dugu alde guztiek”.

EUSKALDUNA ONTZERRI

Argazkia www.gurebatzokia.blogspot.com-etik hartua

Euskalduna, Ontzerri

Abuztuaren 31, lanetik atera eta bizikleta gainean etxerako bidean noala Andoni Alvarez pilota eskolako arduradunarekin topo egin dut. Uda osoan elkarren berri izan gabe eta hizketan hasi gara. Aspaldi elkarri zor diogun bazkari hori egiten ez dugunez, denbora luzez Andoaingo gai askoren inguruan hitz egiteko joerari eutsi diogu.

Futbolaren inguruan sortu den giro petralaz hizketan hasi gara, eta Alvarezek aipatu dit futbolaren inguruan Andoainen bizi den giroa nik sumatzen dudana baino gaiztoagoa dela.
Sinesteko zaila irudituko zaizu, irakurle, baina minutu bakarrera eta gure begien aurrean egoera benetan gaiztoa dela frogatu ahal izan dugu. Gugandik gertu igaro da Andoaingo futbolari ezagun bat, Euskaldunan kapitain modura ibilbide polita egindakoa. Uda honetan lagun arteko giroan Ontzerrirekin jokatzeko prest agertu da. Elkar agurtu dugu eta berak Txistokiko bidea hartu du, lanera joateko. Metro gutxira, herrikide batek geratu du. Biak hizketan jarri dira, bata Ontzerriko jokalaria eta bestea Euskaldunako zuzendaritzako kidea.

Ezustekoa ondoren gertatu da. Hogeita bost metrora geundela entzun ditugu bata besteari epelak aurpegiratzen, gure belarrietara elkarri botatako biraoak eta hitz zatar ugari iristen zelarik. Ez dira txiripaz mutur joka hasi.
Zur eta lur geratu gara biak. “Ez da posible, honen inguruan idatzi beharra daukat, Andoni”, barrenetik atera zait.

Nola liteke futbolaren inguruan horrelakorik gertatzea? Horiek eta beste galdera gehiago sortu zaizkit Andoni agurtu eta etxerako bidea hartu dudanean.
Imajina dezaket Euskalduna bezalako egitura bati eustea ez dela batere samurra izango, eta herri mailako klub batean aritzea esker txarrekoa dela askotan. Baina, bestalde, zaila egiten zait ulertzea Andoaingo 24 gazte Allurralden futbolean aritzeko aldarrizkatuz pankarta baten atzean jartzea, edota Usurbilera jokatzera joan behar izatea.

Eta bihotzean sekulako mina ematen dit jendea horrela ikusteak. Egoera zatar horietatik igarotakoa naizelako. Eta ondotxo dakit bide horrek ez duela ezer onik ekarriko. Horrelako eztabaida gordinak kaltea besterik ez du sortzen. Kalte psikologikoa, gainera. Ikusten ez den kaltea. Arintzen eta sendatzen kosta egiten den kaltea.

Gaiaren inguruan ez daukat iritzi garbirik, ez daukadalako nahikoa informaziorik. Ez dut, oraingoz, jakin gabe hitz egin nahi. Lekuko izan naizen egoerak eraman nau idaztera.
Urak bere bidetik atera aurretik eztabaidaren muinean daudenei zentzuz jokatzeko deia egin behar diegula iruditzen zait. Zeren eta benetako eztabaidan zenbat lagun –lagun diot, bai– parte hartzen ari dira? Sei? Zortzi? Hamar? Ez dira askoz gehiago izango akordio batera iritsi ezinik dabiltzan ordezkari edo bozeramaleak.

Gatazka honetan sartu direnek tentu handiz jokatu beharko luketela iruditzen zait. Izan ere sei, zortzi edo hamar pertsona horien ezin ulertuaren eraginez jende asko alde batera edo bestera lerratzera behartzen ari direlako.

Lanerako garaia da, ez borrokarako. Akordioari eta elkarkidetzari ateak ireki behar dizkiote, zauriak betikotu nahi ez badira. Andoaindarrek, gainera, ez dute horrelakorik merezi. Nahikoa arazo gordin badago eta, lehendik ere.

JON ANDER UBEDA , AIURRI

Andoaingo herriak jaso du Martin Ugalderen biblioteka

Liburuak ez ezik, sarietako oroigarriak eta argazki bilduma zabal bat eman ditu haren familiak

liburuk zituen Martin Ugalde k bere biblioteka pribatuan. Horietatik, hiruti bat literatura hispanoamerikarreko obrak dira, batez ere Venezuelakoak. Eta gainontzeko liburuak arlo askotakoak dira: literatura espainiarra, historiakoak, filosofiakoak, saiakerak... Badira aldizkari ale franko ere, Euskal Herrikoak nahiz kanpokoak.

Martin Ugalde zenaren azken borondateta bete egin zen atzo. Alargunak, Anamari Martinez Urreiztietak, haren bibliotekako liburuak Andoaingo herriari emateko hitzarmena sinatu zuen udaletxean, Estanis Amutxastegi alkatearekin.

Guztira 6.000 liburu dira, eta liburuez gain artxibo pertsonaleko gauza batzuk ere badira dohaintza honetan.

Biblioteka horren hiruti bat literatura hispanoamerikarreko obrak dira, eta horietako asko Venezuelako autoreenak. Kontuan izan behar baita Ugaldek 22 urte egin zituela Venezuelan, atzerriratu gisa. Badaude Ekin argitaletxearen liburuak ere, frankismo garaian Argentinan kaleratuak.

Liburu horiez gain, alor askotako obrak daude bilduman: literatura espainiarra, historia eta filosofiakoak, eta saiakerak, besteak beste. Halaber, XX. mendeko aldizkari asko daude, Euskal Herrikoak nahiz kanpokoak. Badaude ale berezi bakan batzuk ere, adibidez Manuel Larramendiren 'El imposible vencido'-ren ale bat.

Arlo pertsonalenari dagokionez, 2004an hildako idazle eta kazetari haren sari guztien oroigarriak jaso ditu Andoaingo herriak, eta baita diploma akademikoak, akuarela batzuk (berak margotuak), Albizuk berari egindako erretrato ba- tzuk eta argazki-bilduma zabal bat ere.

Oroigarri horien artean, aipa daiteke 1950eko bat. Urte hartan sari bat jaso zuen Venezuelan, 'Iltzaileak' ipuin bildumari esker. Eusko Etxe berriaren inaugurazioa zela eta, literatur lehiaketa antolatu baitzuten, eta saria Jose Antonio Agirre lehendakariak berak eman zion.

Andoaingo Seme Kuttun edota Euskal Herritar Unibertsala sarietako oroigarriak ere eman dizkio familiak Andoaingo herriari.

Estanis Amutxastegi alkateak atzo adierazi zionez, Udalaren asmoa da eraikuntza berri bat egitea udal bibliotekarentzat, eta hartara modu egokiagoan erakutsi ahal izango omen dira Martin Ugalderen materialok.

Idazlearen alargunak eta hiru seme-alabak agertu ziren atzoko hitzarmen ekitaldira; Anamari Martinez Urreiztieta eta Unai, Miren Itxaso eta Ainara.

Ekitaldi dotorea izan zen, bi dantzarik ohorezko aurreskua dan-tzatu zutelarik. Miren Itxaso alabak hitza hartu zuen, eta esan «esku onetan» gelditu dela aita zenaren ondarea.

EZER ZOR AL DIOGU ANDOAINDARROK RENFERI?

EZER ZOR AL DIOGU ANDOAINDARROK RENFERI?
Andoaingo apeaderoko lur azpiko gaia oso errepikakorra da gauzak ondo ez doazenean edo hauteskundeak gerturatzen ari direnean. Bi urte igaro dira ‘egina zegoela’, aurreko alkateak Madrilen egindako kudeaketa ‘oso egokia’ izan zela eta ‘epe laburrean lur azpiko lanak’ eta Alkartasunako eskailerak hasi behar zituztela esaten hasi zirenetik, batik bat 2008ko uztailean hildakoa eragin zuen azken istripua eta gero. Gerora eskailera mekanikoak egin ziren (gure ustean, Andoaingo Beharrezkoenak),baina lur azpiko bidea ez zen inon ageri. Duela aste pare eskas, Euskal Herriko Gobernuko ordezkariaren bisita jaso genuenean, Udalak eta Renfeko azpigitura enpresaren arteko hitzarmenaren berri izan genuen. Hitzarmen hori sinatu egingo da, baina ez dago finantziaziorik (¡?). Azal dezagun, beraz: Zein hitzarmen sinatuko da, obra egin behar duenak dirurik ez daukala esaten badu? Adarra jotzen ari al zaizkigu? Udalak euro bakar bat jarriko duela pentsatzen al dute andoaindarrengan hainbeste urte eta gero pasabide segururik ez izateak sortu dituen ondorio larri eta arriskutsuak Renfek saihestu ditzan? Renfek ez du apeaderora etortzeko egoera penagarrian dauden eskailerak konpontzeko ere zentimorik gastatu azken 50 urteotan. Argiztapena ere oso egoera txarrean dago eta entzumenari jarraiki gurutzatu behar da trenbidea, igarobidea bihurgunetik metro gutxira eta tunelaren irteeran baitago. Parkearen goialdearen egoeraz ere hitz egin daiteke, baranden egoeraz… Ez noski, andoaindarrok ez diogu ezer ere zor Renferi.Aitzitik,pasabidea oraintxe eta horrenbeste propagandarik gabe egin dezala eskatzen diogu. Era berean, apeaderoko eskailerak konpon ditzala, ezinduei nahiz haur kotxeei begira barrerak ken ditzala, euren zerbitzua zabaldu eta hobetu dezatela edota leihatila irekita eduki dezatela (kexaren bat egin behar badugu edo makinarako txanponak behar baditugu…) eskatzen diegu. Ez diezazkigutela beste lekuetan soberan geratzen diren tren ‘kaka’ (barkamenarekin) horiek guztiak ekarri, zabal dezatela ordutegia, beste geldialdi bat egin dezatela Karrikan… Gehiago?
Kea saltzen jarraitzen badute,zerrenda luzatuko dugu; 50 urte hauetan ez baikara Renferentzat existitu.
HAMAIKABAT ANDOAIN

ZORIONAK ANDOAINGO TXIRRINDULARI ESKOLARI

Berria eta argazkia aiurri.com'etik hartua

Gipuzkoako txirrindulari Taldekako Txapeldun atera diren boskoteari (Mikel, Arkaitz, Jon Ander, Julen eta Jon) eta beraien entrenatzaileari (Jose Luis Barberena) zorionik handi eta beroena, jarraitu horrela. AUPA ANDOAINGO !!!
Zuen jarraitzaile leialak

ZORIONAK, Garaipen polita

albistea eta argazkia aiurri.com'etik hartua

Garaipen argia Herriarteko Pilota Txapelketan

Andoain 3–0 Eskoriatza:
Kadeteak Andoain (Maiza-Jauregi) 22-0 Eskoriatza
Jubenilak Andoain (Irastorza-Ulanga) 22-6 Eskoriatza
Nagusiak Andoain (Eskudero-Sagaseta) 22-12 Eskoriatza

Herriarteko txapelketaren joaneko partida ostiral honetan Arrate pilotalekuan, 20:30etan hasita. Une gozoa bizi du Andoaingo esku pilota taldeak, Berria txapelketan Euskal Herriko onenen pare aritu eta gero.